Seksioni për Krimin Ekonomik në Drejtorinë Vendore të Policisë Tiranë, në bashkëpunim me Prokurorinë e Rrethit Gjyqësor Tiranë, kanë finalizuar operacionin “Pirateri”, ku si rezultat u bë arrestimi në flagrancë i
Lorenc Teranaj, 48 vjeç, banues në Tiranë, i dënuar më parë për “Trafik narkotikësh”.
Si dhe u proceduan penalisht në gjendje të lirë…
– E. Th., 48 vjeç, banues në Tiranë,
– A. C., 40 vjeç, banues në Tiranë,
Nga kontrollet e ushtruara në ambientet e përdorura për lojëra fatesh, nga shtetasit e sipërpërmendur, janë konstatuar edhe sekuestruar në cilësinë e provës materiale:
Në ambientet në përdorim të shtetasit Lorenc Teranaj, janë gjetur:
– 6 aparatura elektronike lojërash fati
– 5 aparate transmetues Dream Box (shërbejnë për transmetimin e ndeshjeve në mënyrë pirate)
– 1 tavolinë pokeri
Në ambientet në përdorim të shtetasve E. Th. dhe A. C., janë gjetur:
– 10 aparate transmetues Dream Box (shërbejnë për transmetimin e ndeshjeve në mënyrë pirate)
Materialet proceduriale i kaluan Prokurorisë pranë Gjykatës së Shkallës së Parë Tiranë, për veprat penale, “Fshehja e të ardhurave”, “Organizimi i lotarive të palejuara” dhe “Vënia në dispozicion e lokaleve për lojëra të palejuara”, parashikuar nga Nenet 180, 197 dhe 198 të Kodit Penal.
