Në rrugën e “Durrësit” , pranë një zyre qe jepte automjete me qera, dy shtetas në bashkëpunim me njëri tjetrin janë konfliktuar, për shkak të prishjes së kushteve të kontratës për qeradhënien e një automjeti.
Ngjarja ka ndodhur ditën e djeshme. Personat fillimisht kanë debatuar me pronarin e shoqërisë. Debati ka agravuar më tej dhe nje prej të dyshuarve ka tentuar të vrasë me armë zjarri punonjësin e kësaj shoqërie, shtetasin, L.Sh., 26 vjeç. Ky punonjes gjatë përleshjes fizike, ka arritur ti kape armën e zjarrit pistoletë njërit prej autoreve dhe pas kësaj dy personat janë larguar me vrap. Policia ka arritur të identifikojë dy autorët e kësaj ngjarje dhe ka sekuestruar në cilësinë e provës materiale një armë zjarrt me silenciator, tip “Zastava”. Materialet i’u kaluan Prokurorisë pranë Gjykatës së Shkallës së Parë Tiranë për veprën penale të “Vrasja me dashje” e mbetur në tentativë.
