Policia e Lezhës, ia ka arritur “të shfajësojë” ish-deputetin Arben Ndoka, për dhunën dhe rrahjen fizike që ushtroi ndaj ish-deputetit Agustin Marku, aktualisht Nënkryetar i Këshillit ët Qarkut të Lezhës.
Policia e Lezhës “zëvendësoi” Arben Ndokën, me dy palë iniciale K. N., 21 vjeç dhe S. N., 18 vjeç, si dhunuesit e 54-vjeçarit, të cilët edhe i ka shpallur në kërkim.
Ndërkohë, persona të paidentifikuar kanë sulmuar mesditën e djeshme ish-deputetin e PS-së, aktualisht nënkryetar i Qarkut të Lezhës, Agustin Markun. Sipas burimeve ngjarja ka ndodhur sot, teksa Marku ka dalë nga një kafene në Lezhë. Të njëjtat burime thonë se Marku ishte vetëm kur tre persona e kanë goditur me shqelma dhe grushte.
Njoftimi i Policisë së Lezhës
Agustin Marku
Më datë 20.02.2017, u referuan materialet hetimore në Prokurorinë e Rrethit Gjyqësor Lezhë dhe punohet për kapjen e shtetasve: K. N., 21 vjeç dhe S. N., 18 vjeç, të dy banues në Lezhë. Këta 2 shtetas dyshohet se rreth orës 13:30, në lagjen Skënderbeg të qytetit Lezhë, para një lokali, për motive të dobëta kanë goditur me mjete të forta, shtetasin A. M., 54 vjeç, banues në Lezhë, me detyrë N/Kryetar i Këshillit të Qarkut Lezhë.
Pas ndihmës së nevojshme mjekësore në Spitalin Rajonal Lezhë, shtetasi A. M., ndodhet jashtë rrezikut për jetën.
Materialet procedurale për dy vëllezërit u referuan Prokurorisë së Rrethit Gjyqësor Lezhë për veprat penale “Kanosja”, “Dëmtime të tjera me dashje” dhe “Goditje për shkak të detyrës”, parashikuar nga nenet 84, 90 dhe 237 të Kodit Penal.
Për më shumë mund të lexoni edhe …
Mësohet emri i deputetit që rrahu ish-deputetin e PS-së në Lezhë
/web/Mesohet_emri_i_deputetit_qe_rrahu_ish_deputetin_e_PS_se_ne_Lezhe_34180_1.php
