Në një raport të CIA (Central Intelligence Agency) që mban datën 23 mars 1985, pasqyron marrëdhëniet që shteti shqiptar ka me kompani gjermane, japoneze apo italiane.
Raporti evidenton se kompanitë e huaja përfitonin kontrata me shtetin shqiptar për realizimin e investimeve të ndryshme, ndërsa vlerën e investimit të kryer e merrnin në lëndë të parë për një periudhë të caktuar kohore; një praktikë që i ngjason praktikës së sotme të PPP-ve që zhvillon sot qeveria e majtë.
Më poshtë, një pjesë nga raporti i deklasifikuar i CIA-s, që mban datën 23 mars 1983 në të cilin ndër të tjera shkruan:
“
Ne nuk kemi informacion të gjerë për lidhjet e Shqipërisë me firma të huaja të caktuara. Kushtetuta (neni 28) mund të thuhet se i ndalon ndërmarrjet të përbashkëta. Më poshtë janë disa raste të lidhjeve të Shqipërisë me firmat e huaja.
-Në nëntor të vitit 1982 “Salzgitter AG” e Gjermanisë Perëndimore ra dakord për të zhvilluar një minierë nikeli në Shqipëri. Projekti, me vlerë 23 milion dollarë ishte për t’u financuar tërësisht përmes shkëmbimit.
-Firma japoneze “C. Itoh” ka negociuar që nga 1982 për të përfunduar një fabrikë të çelikut në Elbasan, Shqipëri. Pagesa do të ishte në krom.
-Konsullata amerikane në Trieste raportoi në korrik 1984 se firmat e mëposhtme italiane janë duke negociuar ose kryer biznes me Shqipërinë:
-FIAT
-Italiimpianti
-ITALTEL
-Montedison
-Danieli
-Efim
-FATME
-“ITALTEL” firmosi një marrëveshje për modernizimin e sistemeve telefonike në Tiranë dhe dy qyteteve të tjera.
-“Danieli” thuhet se ndihmon në instalimin e tubave prej çeliku dhe strukturave të fletëzimit në një fabrikë të çelikut. Kushtet e pagesës janë të panjohura.
Ne praktikisht nuk kemi informacion mbi rezervat valutore të Shqipërisë, por ne besojmë se ato janë të ulëta”.droni.al
