Një tjetër problem i kësaj force politike në qarkun e Lezhës është se kush do ta zëvendësojë Armand Prengën, megjithëse deputeti tjetër do të ketë jo më shumë se 3 muaj jetë parlamentare, deri në zgjedhjet e 18 qershorit.
Kështu në listë për të zëvendësuar Armand Prengën është Kastriot Piroli. Ish-drejtor i Hipotekës në Kurbin, është arrestuar më 11 mars te 2015 me akuzën për falsifikim dokumentesh dhe shpërdorim detyre.
Ai është liruar pak kohë më parë nga Gjykata e Kurbinit, pasi dënimin për akuzat e ngritura ndaj tij e ka shlyer me periudhën e paraburgimit.
Prokuroria kërkoi tri vite dënim për Pirolin.
DOKUMENTI/ PS nuk gjen dot një deputet “të virgjër”, edhe ai që zëvendëson Armand Prengën i dënuar për falsifikim
