Kryeministri Edi Rama në një intervistë për Tonight Ilva Tare, në Rtv Ora News flet dhe per deklaratat ndaj Donald Trump.
Rama tha se nuk ka asnjë arsye të pendohet ndërsa “thumboi” edhe kreun e PD Lulzim Basha.
Pjesë nga intervista:
Ilva Tare: Nëse do të kishit informacionin që keni sot a do i jepnit të njëjtën përgjigje që i keni dhënë Richard Quest në CNN për Donald Trump?
Edi Rama: Urdhëro!
Ilva Tare: Nëse do të kishit të njëjtin informacion që keni sot për presidentin e SHBA-së
Edi Rama: Unë s’kam thënë asgjë për presidentin kam thënë për kandidantin. Për kandidatin kam thënë gjërat që kam menduar. Për presidentin s’kam thënë asgjë sepse kur unë kam folur ka qenë kandidat dhe jo president.
Ilva Tare: A duhet të jetë më i kujdesshëm kryeministri i një vendi të vogël si Shqipëria kur flet për kandidatët e SHBA-së
Edi Rama: Unë s’jam manual per sesi duhet të jenë kryeministrat. Unë jam Edi Rama sot kryeministër. Me të mirat e të metat e mia nuk kam ndërmend të jem dikush tjetër dhe nuk kam ndërmend që për arsye të kostumit kur të mbaroj këtë punë të kem lënë në zyrë vetveten. Unë jam ky që jam me të mirat e të metat e mia.
Tare: Kreu i opozitës, Basha tha se do të kemi probleme me SHBA për shkak të kësaj administrate të re
Rama: Më kujtojnë këto biseda atë personazhin e Nurihanit, plaka Nurihan e mbështjellë me batanije në bodrumin e saj, që priste radio Londrën për të shpëtuar nga zgjedha e bashkëpronarëve apo bashkëbanorëve të katit sipër. Këto janë biseda që as në kafenetë e fshatit nuk bëhen. Të jetohet me idenë se Amerika gdhihet e ngryset me ne dhe se marrëdhëniet tona me Amerikën janë marrëdhënie që kalojnë përmes inateve nga loja me top tek oborri i lagjes. Plaka Nurihan dhe radio Londra
Ilva Tare: Jua dhashë mundësinë që nëse të ishit penduar të tërhiqeshit
Rama: Për çfarë të pendohem
Ilva Tare: Për Trump
