Të parin vendim sa hyri në zyra, presidenti amerikan Donald Trump e kishte për reformën shëndetësore, duke anuluar disa nga vendimet e paraardhësit të tij, Barack Obama. Firma e parë e tij, ishin një sërë urdhrash ekzekutivë, që shënjestrojnë reformën shëndetësore të paraardhësit të tij, Barack Obama.
Me vendimet e marra, Trump urdhëron të gjitha agjencitë federale që të ndërmarrin masa të nevojshme për të lehtësuar barrën financiare të qeverisë amerikane në shëndetësi, duke ndërmarrë hapin e parë në përmbushjen e zotimit të fushatës, se do të anulonte këtë reformë, që njihet si “Obamacare”.
Vetë Trum në takimin e pritjes nga Obama në Shtëpinë e Bardhë fill pas fitores së zgjedhjeve në nëntor, u shpreh se do të konsiderojë ruajtjen e disa ligjeve të paketës shëndetësore të paraardhësit të tij.
Ndryshimi i parë i Donald Trump president dhe administratës së tij ishte në faqen zyrtare të internetit të Shtëpisë së Bardhë, ku “zhduku” prej aty strategjinë Obama për ndryshimet klimatike.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
