Janë shpallur cmimet për letërsinë në Shqipëri të cilat tashmë janë reduktuar në dy, për krijimin më të mirë dhe përkthimin më të mirë.
Autori i vitit është shpallur Bashkim Shehu ndërsa përkthyesja e vitit është shpallur Edi Dibra.
Shehu e mori çmimin për librin “Fjalor udhëzues për misterin dosjeve”, ndërkohë që po drejton edhe projektin e qeverisë për ‘Shtëpinë e gjetheve”. Shehu është djali i ish-Kryeministrit të Shqipërisë në kohën e diktaturës, Mehmet Shehu i cili qëndroi në post nga viti 1952 deri në vitin 1981. Shehu pas vdekjes së të atit u burgos dhe më pas u internua deri në rrëzimin e komunizmit në vend.
Dibra është vlerësuar për përkthimin e një prej shkrimtarëve më të vështirë Marsel Prust. “Robinja” ka plotësuar edhe një nga ëndrrat e saj me këtë vepër. Çmimet e letërsisë në Shqipëri sollën edhe atmosferën e Nobelit në Ministrinë e Kulturës. Sepse pjesë e këtij eventi nuk ishin vetëm leximet e disa rreshtave nga dhjetë më të mirët e letërsisë së botuar në vitin 2015, por edhe disa nga vargjet e Bob Dylan.
