Konsullata e Përgjithshme e Turqisë në Prizren është sulmuar sot në orët e para të mëngjesit me lëndë djegëse, që fillimisht dyshohet të jetë koktej molotovi.
Si pasojë e sulmit objekti ka pësuar dëme materiale ku janë thyer xhamat dhe Kryeprokurori i Prokurorisë Themelore të Prizrenit Sylë Hoxha ka konfirmuar se nuk ka persona të lënduar.
“Pesë persona janë duke u pyetur në Policinë rajonale të Prizrenit”, ka deklaruar ai, duke shtuar se hetimet janë në vijim e sipër për zbardhjen e këtij rasti.
Dje në Prizren përkrah flamurit shqiptar ishte vendosur edhe ai turk, ku disa prej tyre janë hequr me forcë nga banorët. Mësohet se këto dy zhvillime mund të kenë lidhje me njëra-tjetrën pasi flamuri turk solli pakënaqësi tek shqiptarët.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
