Foto, viktima Francesco Maria Pennacchi
Pavarësisht protestave në rrugë, apo dhe letrës që bëri nëna e italianit të vrarë për presidentin, asgjë nuk ndryshoi…
Shqiptari 44-vjeçar, Lorenc Prifti u dënua me 30 vite burg. Vendimi është dhënë nga gjyqtarja Isabella De Angelis, pasi për shqiptarin u pranua procesi i shkurtuar. Fillimisht prokurorët kishin kërkuar dënimin me burgim të përjetshëm.
Lorenc Prifti u shpall fajtor për vrasjen e ekonomistit Francesco Maria Pennacchi. Gjykatësja dhe prokurorët thanë se bukëpjekësi shqiptari kishte vepruar me gjakftohtësi.
Si ndodhi vrasja një vit me parë?
Gjithçka ka nisur me një festë në studion e financierit italian Francesco Maria Pennacchi, 32 vjeç, në zonën e Velletri (Romë). Dhe shkak është bërë zëri i lartë i muzikës që shqetësonte fqinjin shqiptar, Lorenc Priftin, me profesionin e furrtarit.
Festa e Francesco Maria Pennacchi ka shqetësuar dhe prishur gjumin e familjes së shqiptarit Prifti, që jetonte me gruan dhe një fëmijë, ndërsa punonte në një nga furrat më të njohura të zonës për prodhimin e bukës.
Shqiptari i ka kërkuar Penacchit dhe miqve të tij që të ulnin zërin e muzikës. Këtu ka lindur debati mes tyre dhe më tej nisi një sherr e përleshje. Prifti ka shkuar në apartament duke marrë një thikë të madhe në kuzhinë. Ai e ka goditur 32-vjeçarin disa herë dhe është arratisur nëpër rrugicat e Velletres.
Karabinierët mundën ta kapnin shqiptarin pak minuta më pas në rrugët e qytezës dhe nuk ka bërë rezistencë, teksa ka pranuar se e kishte goditur italianin.
Foto, Lorenc Prifti, në momentin e arrestimit – Lart, fotot e autorit dhe vitkimës
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
