Një profesor Allen Lichtman, i cili parashikoi saktë fituesin e cdo zgjedhje presidenciale që nga viti 1984, përfshirë dhe fitoren e kandidatit Trump, tani ka bërë një parashikim të errët.
Ai deklaron se Presidenti Trump do të shkarkohet nga detyra dhe do të jetë vetë ai që do ta çojë veten deri në këtë pikë.
“Jam shumë i sigurtë se Trump do të shkaktojë vetë arsyet që mund të çojnë në nisjen e procedurave të shkarkimit të tij. Ndoshta mund të vendosë në rrezik sigurinë kombëtare, ose mund të favorizojë veten ekonomikisht. Republikanët nuk e duan Trump-in si President, sepse ata nuk mund ta kontrollojnë atë. Ai është i paparashikueshëm” shprehet profesori. Ai thotë se drejtuesit e partisë preferojnë Mike Pence, aktualisht zv/President, si një njeri “paqësor” dhe i “kontrollueshëm”.
Kësaj here parashikimi i Profesorit nuk është bërë bazuar në ndonjë metodologji por është thjesht fryt i analizave të veta.
“Pavarësisht rezultatit shumë të ngushtë që parashikohet nga sondazhet, indikatorët ende tregojnë për një fitore Trump,” deklalroi ai për Ëashington Post vetëm pak ditë para votimit për Presidentin në SHBA.
Lichtman, sic thotë në një intervistë të fundit, nuk është një parashikues dhe as një top kristali. Përkundrazi, parashikimet e tij janë të bazuara në një sistem unik indikatorësh që mbështetet në 13 pyetjet me një përgjigje mes dy mundësive “e Vërtetë/Fals”, për të vlerësuar forcën e partisë në pushtet.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
