Disa të shtëna me armë zjarri, mësohet se kanë shkaktuar një të plagosur.
Ngjarja ka ndodhur pak minuta më parë, në një lokal pranë ish-Ekspozitës në Tiranë.
I plagosuri, A. M., 29 vjeç, është dërguar me një automjet të rastit, për ndihmë mjekësore në spital.
Sipas dëshmitarëve, mësohet se viktima ka marrë plagë në shpatull dhe në krah.
Ende nuk ka informacion për motivet, rrethanat dhe emrat e protagonistëve të kësaj ngjarje, ndërsa policia ndodhet në vendin e ngjarjes, ndërsa mësohet se janë ngritur edhe postblloqe dhe pika kontrolli, për kapjen e autorit të dyshuar.
LAJMI I FUNDIT/ Tiranë, plagoset një person me armë në lokal
