Kryeministri Edi Rama kishte zgjedhur ditën e sotme Shishtavecin në Kukës për të pasur një bashkëbisedim me fermerët e kësaj zone. Si e ka bërë zakon, Rama edhe këtë herë nuk i ka kursyer batutat dhe ironit në Kukës. Këtë herë, ai nuk ka lënë pa ‘thumbuar’ deputetin e sapo larguar nga partia socialiste, Ben Blushi.
Pasi ka mbaruar fjalën e tij, Rama ka pyetur banorët për shqetësimet e tyre. Por, dy nga banorët kanë krijuar një ngërç se kush do të fliste më përpara. Në këtë momentet ka ndërhyrë kryeministri, duke thënë se “Ti që flet kaq shumë do me bë parti të re, mos të njifshin do thoshin hajt ta ngjojmë, por s’të dëgjon njeri se të njofin”.
