Dy persona u therën me thikë nga tre të tjerë sot në Prrenjas, sipas policisë së Elbasanit.
Pas marrjes së njoftimit se pranë stacionit të autobuzave në Prrenjas ka një konflikt, efektivat e policisë janë nisur menjëherë në vendngjarje dhe konstatuan se shtetasit;
Markeljano Hoxha dhe Nevzat Spaho gjatë një konflikti për motive të dobëta, nga një sherr i çastit, në bashkëpunim me njëri – tjetrin dyshohen të kenë goditur me mjet prerës (thikë) shtetasit E.B, 20 vjeç dhe R.V,24 vjeç, të dy banues në fshatin Rrajcë.
Të dy shtetasit, u dërguan menjëherë për ndihmë mjekësore në Spitalin e Librazhdit dhe ndodhen jashtë rrezikut për jetën.
Dy autorët janë larguar në drejtim të Pogradecit me mjetin tip “Benz” me targa AA 258 KK drejtuar nga shtetasi Elivert Karriqi.
Si rezultat i veprimeve të shpejta operacionale dhe hetimore, në afërsi të qytetit të Pogradecit Specialistët për Krimet e Rënda në Drejtorinë Vendore të Policisë Elbasan, kanë bërë arrestimin në flagrancë të tre shtetasve:
Markeljano Hoxha, 23 vjeç, banues në Prrenjas
Nevzat Spaho, 20 vjeç banues në Prrenjas
Elivert Karriqi,33 vjeç banues në Prrenjas
Në cilësinë e provës materiale, u sekuestrua;
Mjeti tip Benz me targa AA 258 KK
Dy aparate telefoni të markave të ndryshme
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Vrasje me dashje, mbetur në tentativë, kryer në bashkëpunim” parashikuar nga nenet 76, 22 dhe 25 të Kodit Penal.
