Ish-deputetja e PS-së, Mimoza Hafizi tha se ka ndërmend të kthejë përgjigje ndaj fjalëve vulgare sipas saj në drejtim të deputetes që përdori mbrëmë në një intervistë Kryeministri Edi Rama.
“Të gjithë ata që janë lënduar mbrëmë nga gjuha vulgare e kryeministrit ndaj meje, dua t’i siguroj se përgjigjen do ia kthej nesër, nga foltorja e Parlamentit.
Por jam e bindur se sjellja e këtij njeriu që nuk e di apo harron se është kryeministër, nuk më cënon vetëm mua, por edhe ty, ju, edhe të gjithë ata që ende e dinë dhe e marrin për kryeministër”, deklaron Hafizi.
Mbrëmë gjatë intervistës në news 24 me gazetaren Eni Vasili, kryeministri tha se Hafizi le të shkojë të hajë përshesh tek partia e Blushit.
