Arrestohet në flagrancë një drejtues mjeti, pasi për të shmangur gjobën për rripin e sigurimit, i ofroi rryshfet punonjësit të policisë rrugore.
Specialistët e Seksionit kundër Korrupsionit të policisë së Korçës bënë kapjen dhe arrestimin në flagrancë të shtetasit :
Luan Matraxhiu, 35 vjeç, banues në fshatin Vidhas-Elbasan.
Arrestimi i tij u bë pasi, dje ky shtetas në qytetin e Bilishtit, duke udhëtuar me automjetin tip “Volksëagen” me targa AA359JY, për të shmangur ndëshkimin me masë administrative për mosvendosje të rripit të sigurimit, i ka ofruar një shumë prej 2000 lek,punonjësit të qarkullimit rrugor.
Ndërkohë një tjetër arrestim është bërë në Elbasan për ryshfet ndaj policit.
Nga Strukturat e Drejtorisë Vendore të Policisë Elbasan, është bërë arrestimi në flagrancë i shtetasit:
Misir Boja, 48 vjeç, banues në fshatin Mjekës
Ky shtetas u arrestua nga efektivat e policisë pasi në aksin rrugor Peqin – Elbasan, në vendin e quajtur “Kryqëzimi Gjocaj” është ndaluar nga Patrulla e Policisë Rrugore Elbasan, për arsye se ka qënë duke drejtuar mjetin kamioçinë, në shkelje të Kodit Rrugor.
Në momentin e ndalimit ky shtetas ka tentuar t’i jap një shumë parash punonjësit të policisë rrugore për të mos marrë masë administrative.
