Një aksident i rëndë tronditi vendin këtë mëngjes, ku 4 të rinj humën jetën ne nje aksident automobilistik në autostradën Tiranë-Durrës.Ngjarja e rëndë u regjistrua ne afërsi të Sukthit rreth orës 4:15 minuta të mëngjesit të sotëm (13 tetor)
Viktimat janë tre vajza dhe një djalë, i identifikuar siDashnor Deliallisi nga Durrësi.
Policia sqaron se:
Më datë 13.10.2016, ora 04:15, në autostradën Tiranë – Durrës, Sukth, mjeti tip Benz me targa AA 979 GV, me drejtues shtetasin D.D. 36 vjeç, banues në Durrës është përplasur me mjetin tip Benz me targa AA 694 IL, në pronësi të shtetases G.Sh. 23 vjeçe, banuese në Sarandë. Për pasojë kanë ndërruar jetë të dy drejtuesit e mjeteve dhe dy pasagjere të seksit femër në mjetin me targa AA 694 IL.Nga hetimet paraprake dyshohet se drejtuesia e mjetit me targa AA 694 IL ka qenë shtetësia G.Sh. dhe njëra nga pasagjeret shtetësia I.B. 33 vjeçe, banuese në Tiranë. Tre shtetaset të seksit femër kanë qenë në të njëjtin mjet.
Të rinjtë kanë qenë duke udhëtuar në mjete të ndryshme. Mësohet semakina ku udhëtonte djali ka qenë me shpejtësi të madhe dhe në krah të kundër, duke shkaktuar edhe aksidentin tragjik.
Siç shihet edhe në pamje, të dyja makinat janë shkatërruar plotësisht, ajo çka ka mbetur janë vetëm pjesë metalike të makinave.
Policia ka mbërritur në vendin e ngjarjes dhe ka nisur punën për zbardhjen e aksidentit tragjik.
