Policia e Durrësit ka dhënë disa hollësi, se cili është djali që plagosi sonte me armë zjarri babanë e tij.
Sipas policisë, autori i identifikuar dhe i shpallur në kërkim, si edhe vëllai i tij janë persona me precedentë penalë të mëparshëm në fushën e veprave penale kundër narkotikëve.
Sipas policisë, Mardit N. Mone, 22 vjeç, autori i plagosjes së babait të tij, është dënuar dy herë përkatësisht: Në vitin 2011 është vendosur masa e sigurisë “Arrest me burg”për veprën penale “Prodhim dhe shitje të lëndëve narkotike; dhe; Me Vendimin Nr. 910, datë 23. 10. 2014 Gjykata e Rrethit Gjyqësor Durrës e ka dënuar me 14 muaj burgim për veprën penale “Prodhim dhe mbajtje të lëndëve narkotike”.
Ai ka dalë nga burgu në vitin 2015.
Gjithashtu edhe i vëllai i tij, E. M. 32 vjeç është dënuar nga Gjykata e Rrethit Gjyqësor Durrës me Vendimin Nr. 585, datë 14. 09.2 011 me 4 vjet burg për veprën penale “Prodhim dhe shitje të lëndëve narkotike”.
EMRI & DETAJE/ Cila është e kaluara kriminale e djalit që plagosi babanë me armë sonte në Durrës
