Komisioni i Prokurimeve Publike ka shpallur fitues të koncesionit të rrugës së Kombit bashkimin e kompanive shqiptare “Catalyst”, “Salillari” dhe “Kastrati duke rrëzuar kompaninë turke që ishte shpallur më herët fitues para dy muajve nga komisioni i vlerësimit të ofertave.
Në vendimin e publikuar në faqen zyrtare KPP sqarohet se ky vendim është anuluar dhe se kompania turke “Vendeka Bilgi” tashmë është renditur në vend të dytë.
Vendimi i Komisionit të prokurimeve ka ardhur pas një ankese të bërë nga bashkimi i operatorëve ekonomik shqiptar se ishin skualifikur padrejtësisht pas kishin ofruar oferte me te ulet. Bashkimi i kompanive shqiptare në ofertën e saj ka kërkuar 8 milionë euro më pak subvencion nga buxheti dhe parashikon që të marrë 175 milionë euro më pak nga qytetarët.
Ministria e Transporteve para dy muajve fitues kompaninë turke “Vendeka Bilgi”, e cila ka ofruar një investim në vazhdimësi për mirëmbajtje dhe operim të rrugës në shumën 320,6 milionë euro ndërsa shteti do ta subvenciononte me 5.6 milionë euro për 13 vite.
