Policia e Lezhës beson se ka identifikuar personin që ndezi malet rreth Shëngjinit dhe Ranës së Hedhun duke tmerruar turistët dhe vënë në rrezik miliona euro investime në hotele dhe shtëpi.
Burime nga policia bëjnë me dije se ditën e sotme është vënë në pranga Preng Pergjoni, 63 vjec. banues në Lezhë.
Dyshohet që arsyeja e djegies ka ndodhur për shkak të ripërtëritjes së kullotave që kanë në stanin e tyre, i cili ndodhet në malin e Shëngjinit. Njoftohet se 63-vjeçari është arrestuar në flagrancë.
Materialet në ngarkim të Pergjonit iu kaluan Prokurorisë së Rrethit Lezhë për veprën penale “Shkatërrimi me zjarr i pyjeve dhe i mjedisit pyjor”.
Një aksident ka ndodhur ditën e sotme në Sarandë pranë kanalit të Çukës, për të cilin u tha fillimisht se shkaktoi vetëm një të plagosur, por e vërteta është ndryshe. Nga ky aksident, ku makina përfundoi brenda butikut, përveç shitëses janë plagosur edhe dy persona të tjerë, të cilët janë transportuar në Spitalin Ushtarak, pasi gjendja e tyre është përkeqësuar.
