Kreu i PD-së Lulzim Basha i është përgjigjur reagimit alarmant dhe të paqartë të kryeministrit Edi Rama,
Sipas Bashës, mandati është kontratë, para se të jetë afat.
Më tej kreu i PD-së shprehet s mandati i ramës ka mbaruar dhe njerëzit mezi presin të shpallin “Shqipëria më mirë pa Edi Ramën.
“Nuk i del që nuk i del zija e konsensusit. Nuk dëgjon, nuk sheh, nuk lexon, e ka humbur fare.
I kujtoj se mandati është kontratë para se të jetë afat.
Mandati i tij ka mbaruar me kohë në malet dhe fushat e mbushura me drogë si kurrë ndonjëherë, me vjedhjet kriminale dhe çnjerëzore, me koncesionet dhe tenderat korruptivë, me varfërinë dhe papunësinë masive kur kishte premtuar 300 mijë vende pune, me investime zero, me rritje rrogash e pensionesh zero, me taksat e larta, me krimin në pushtet dhe pushtetin e bërë njësh me krimin, me pasigurinë e frikshme e të tjera rekorde të zeza që shqiptarët i vuajnë në kurriz. Mandati të ka sosur që ditën kur kalove lumin me votën e atyre që të besuan dhe u ktheve bërrylin.
Me ndeshje të trukuara nuk ecet dot gjatë. Njerëzit e kanë marrë vendimin, mezi presin ta shpallin. Shqipëria më mirë pa Edi Ramën”, shkruan Basha në “Facebook”.
Basha i përgjigjet alarmimit të Ramës për qeverinë teknike: Mandati është kontratë para se të jetë afat
