Dy aleatët qeverisës, kryeministri Edi Rama dhe kryeparlamentari Ilir Meta, respektivisht edhe krerët e dy partive më të mëdha qeveritare PS dhe LSI, zhvillojnë një takim sonte së bashku.
Takimi është duke u zhvilluar te VilaQqeveritare në Durrës.
Në qendër të takimit pritet të jetë diskutimi dhe miratimi i ligjit të “Vvettingut”. Pjesë e diskutimit pritet të jetë edhe ecuria e koalicionit të tyre.
Më herët, kryeparlamentari Ilir Meta ka pasur një axhentë të ngjeshur takimesh sot.
Pas drekës së punës me ish-Presidentin Rexhep Meidani dhe ish-deputetin socialist Koço Kokëdhima, Ilir Meta zhvilloi një takim edhe me kreun e PD-së, Lulzim Basha dhe nënkryetarin demokrat të Komisionit të Refomrës në Drejtësi, deputetin Oerd Bylykbashi.
Ndërsa takimi i Metës me Meidanin e Kokëdhimën kishin për objekt tema të tjera, larg ligjeve të reformës në drejtësi, takimi me Bashën e Bylykbashin kishte në qendër diskutimin dhe miratimin e ligjeve të reformës në drejtësi. Nga ky takim u ra dakord që brenda këtij muaji të miratohet me konsensus në parlament Ligji “Vettingut”.
Axhentë e ngjeshur për kryeparlamentarin, Meta takohet sonte edhe me Ramën
