Ambasadori amerikan Donald Lu u ka dërguar një letër, 140 deputetëve të Kuvendit për Reformën në Drejtësi, në kuadrin e negociatave që ai vazhdon të bëjë më të dyja palët prej muajsh. Në letrën drejtuar për secilin deputet të Kuvendit, ambasadori amerikan thekson se tani është koha që secili të vendosë për reformën, si një nga më të rëndësishmet për vendin. Në letër thuhet se SHBA-të janë aleat strategjik i Shqipërisë, po ashtu Donald Lu, nënvizon se “ndikimi politik në drejtësi kërcënon shoqërinë dhe kërcënimi i shoqërisë dobëson aleancën tonë”.
