Gazeta holandeze “Telegraaf” i ka kushtuar një shkrim Arben Frrokut, i cili prej më shumë se dy muajsh qëndron i arrestuar dhe në pritje të ekstradimit. Holandë refuzon ekstradimin nga Holanda në Shqipëri. Mediat holandeze madje e cilësojnë Frrokun “vrasës” dhe “kryemafioz”. Gazeta përmend faktin se Frroku isjhte anëtar të spikatur të Partisë Kristiandemokrate dhe me një të kaluar kriminale.
Shqiptari u arrestua në një aeroport të Holandës më 9 maj. Frroku rezulton i dënuar për vrasje dhe cilësohet një kryemafioz. Arben Frroku ka kundërshtuar ekstradimin e tij për në Shqipëri ndërsa shteti shqiptar ka dorëzuar dosjen e tij në Hagë. Frroku zgjodhi të fshhej në Holandë me një identitet të rremë siç bëjnë shumë kriminelë të tjerë nga Italia apo Britania, shkruan gazeta. “Telegraaf”, thekson se se veçse bëjnë një jetë të fshehtë në Holandë ata vazhdojnë edhe aktivitetin e tyre kriminal gjatë qëndrimit atje.
Më 24 shkurt të vitit 2013, kryekomisari i Policisë Dritan Lamaj, 41 vjeç, u vra me kallashnikov ndërsa ndodhej në makinën e tij Lancia. 41vjeçari ndërroi jetë në spital. Autorët e larguan me një makinë BMW, automjet në të cilin u gjetën shenjat e gishtërinjve dhe fije floku të biznesmenit Arben Frroku. Vrasja e kryekomisarit në Tiranë ishte treta e një zyrtari të Policisë në tetë muaj.
