Përfaqësues të qeverisë dhe deputetë të mazhorancës zhvilluan një ndeshje miqësore me ambasadorët e vendeve të BE, në Tiranë. Ndeshja u zhvillua në stadiumin “Selman Stërmasi” dhe përfundoi me rezultatin e barabartë 3 : 3.
Rezultati i cili nuk ka ndonjë rëndësi të madhe, ka zgjuar interesimin, tashëm të bërë “traditë”…, në se do të organizojë kryeministri ndonjë miting “madhështor”, për nder të “kombëtares” së tij të kryeministrisë…?!
Në ndeshjen e sotme, qeveria kaloi e para në avantazh me anë të deputetit socialist, Eduard Shalsi. Dy golat e tjerë të Qeverisë u shënuan nga ministri i Brendshëm, Saimir Tahiri dhe Ministri për Çështjet Vendore, Bledi Çuçi.
Nga kabineti “Rama” në fushë luajtën ministrat Edmond Haxhinasto, Saimir Tahiri, Blendi Klosi e Arben Ahmetaj. Në këtë ndeshje luajti edhe kryetari i Bashkisë së Tiranës, Erion Veliaj. Po ashtu në këtë takim, luajtën edhe deputetët e PS, Besnik Bare e Eduard Shalsi.
Në portë si përfaqësues i qeverisë luajti Sekretari i Përgjithshëm i Ministrisë së Arsimit, Plarent Ndreca. Tahiri e Shalsi luajtën në sulm, ndërsa Veliaj luajti si lojtar kyç në mesfushë.
FUTBOLL/ Kabineti “Rama” barazon 3 : 3 me ambasadorët e BE… A do të ketë një miting “madhështor”…?!
