Një polic në komisariatin e Tropojës qëlloi sot me armë zjarri kushëririn e tij pas një konfliktit në qytezën e Fierzës.
“Më datë 05.07.2016, njoftohemi nga salla e operative Tropojë se në fshatin Fierzë, Tropojë, shtetasi Zef Pepkolaj, banues në Tropojë, punonjës i Policisë së Komisariatit Tropojë, ka plagosur me armë zjarri në këmbë kushëririn, shtetasi, Sokol Pepkolaj, 54 vjeç, banues në fshatin Raj Fierzë”, thuhet në njoftimin e policisë.
Blutë bëjnë me dije se i plagosuri ndodhet në Spitalin e Tropojës, jashtë rrezikut për jetën.
Konflikti ndodhi për motive të dobëta. Autori i dyshuar për plagosjen është shoqëruar në ambientet e Komisariatit të Policisë Tropojë, ku po punohet zbardhjen e plotë të ngjarjes.
