Një muaj pas zbulimit të vrasjes horror të 26-vjeçarit shqiptar Bledar Tërpollari në Greqi, mediat e shtetit grek raportojnë detaje të tjera për motivin e kësaj vrasje makabre.
Sot “Protothema“, shkruan se arsyjea se përse shqiptari Tërpollari u ekzekutua me prerje koke, është një shumë prej 20 mijë eurosh që viktima nuk u kishte paguar “baronëve” bashkëatdhetarë, para që e kishin origjinën nga trafiku i drogës në të cilin shqiptari ishte përfshirë.
26-vjeçari dyshohet se nuk i ka paguar këtë shumë “baronëve” shqiptarë të drogës që bënin trafik të lëndëve narkotike mes Shqipërisë dhe Greqisë.
Edhe më herët është thënë nga autoritetet greke se motivi i vrasjes kishte të bënte me çështje të trafikut të drogës. Një ditë më parë u arrestua edhe një tjetër shqiptar i akuzuar se ka lidhje me vrasjen e Bledat Tërpollarit. Ndërsa më 30 maj policia ka arrestuar dy 28 vjeçarë shqiptarë të tjerë që akuzohen se ishin të pranishëm në vrasjen makabre.
