Një 35 vjeçar është qëlluar aksidentalisht për vdekje me armë gjahu nga djali 8 vjeçar. Ngjarja ka ndodhur mesditen e sotme në fshatin Vlosh i Roskovecit.
Viktima është Karafil Rrapushi dhe sipas policisë, ai ka gjetur vdekjen në mënyrë aksidentale, pasi është qëlluar nga djali i tij 8 – vjeçar, me iniciale F. Rr..
Ngjarja ka ndodhur rreth orës 12:15, ku fillimisht policia e Fierit është njoftuar se, në pyllin e fshatit Vlosh, Rroskovec, Fier, ujku kishte ngrënë një person, i cili më pas kishte gjetur vdekjen.
Më pas nga policia ka zbuluar dhe dinamikën e vërtetë të ngjarjes.
Karafil Rrapushi ka dalë në pyllin e fshatit për të mbledhur bimë medicinale dhe është ulur për të pushuar, ndërkohë i biri ka marrë armën e gjahut dhe ka filluar të luajë dhe pa dashje ka realizuar shkrepjen, e cila ka shkaktuar vdekjen e viktimës.
