Policia e cila ka dështuar në garantimin e sigurisë, në territorin shqiptar që duhet të ishte më i sigurti, vazhdon të rreket ta heqë përgjegjësinë nga vetja.
Sipas detajeve që Polica jep një ditë pas grabitjes spektakolare në pistën e aeroportit të Rinasit. Burimet, mësohet se tre grabitësit kanë mundur të marrin 10 milionë në valutë, para të cilat kishin si destinacion Vjenën.
Pjesë e strategjisë së Policisë për ta hedhur fajin gjetkë, janë “sqarimet” sipas të cilave ka dyshime që grabitësit mund të kenë bashkëpunëtorë në radhët e rojeve privatë. Kjo pasi këta roje private kanë thyer rregullat e sigurisë. Ata, gjithnjë sipas policisë duhej të ishin 7 roje dhe jo 3 dhe për këtë.
“Nuk jemi njoftuar menjëherë nga firma private”, ka thënë policia.
Sipas policisë, rojet private qëndronin jashtë makinës.
Por Policia, me të njëjtën logjikë, duhet të vinte gishtin gjetkë, saktësisht mbi veten, për shkeljen e kordonit të sigurisë, edhe jashtë “gardhit” të aeroportit, në kushtet kur vetëm një ditë më parë ishte deklaruar shtimi i masave të sigurisë.
Tre persona të armatosur kanë mundur të hynë në rrethimin e brendshëm të aeroportit, mesditën e djeshme pasi kishin prerë menteshat e portës së jashtme, e cila ndodhet nga krahu i rrugës Rinas-Fushë Krujë.
Sasia monetare e grabitur po transferohej me mjetet e SHPSF “Nazeri 2000”, nga terminali drejt avionit. Pas grabitjes, autorit kanë djegur edhe mjetin, me të cilin kryen grabitjen.
Sakaq, Policia e Shtetit vijon punën për gjetjen e autorëve, ndërsa forcat RENEA-s kanë kryer kontrolle të imtësishme në zonat ku dyshohet se mund të jenë strehuar autorët.
DETAJE/ Grabitja në Rinas, Policia këmbëngul: Fajin s’e kemi ne por e ka “Nazeri”
