Shkëmbi i Kavajës, mbytet 56-vjeçarja, ambulanca mbërrin 40 minuta me vonesë

Një grua 56-vjeçare ka humbur jetën sonte, si pasojë e mbytjes në zonën pranë Shkëmbit të Kavajës.
Viktima është F.B., banuese në Tiranë, e cila është mbytur në det aksidentalisht thuhet nga Policia.
Ngjarja ka ndodhur rreth orës 20:00 tek “Arbëri” në zonë e Shkëmbit të Kavajës.
Sipas dëshmitarëve mësohet se 56-vjeçarja ndodhej bashkë me vajzën e saj dhe doli nga uji në gjendje të rëndë. Një mjek i cili ndodhej rastësisht aty i ka bërë masazh kardiak, por pa mundur ta risjellë në jetë.
Dëshmitarët tregojnë se ambulanca mbërriti rreth 40 minuta pas telefonatës. Shkak i kësaj vonese mësohet se është bërë dhe ngushtica e rrugëve që ambulanca të afrohej në vendin ku ndodhej e shtrirë gruaja.
Gruaja u dërgua në Spitalin e Durrësit për ndihmë të parë, por nuk mbijetoi.