Lojtari që shënoi golin e vetëm në finale të Europianit për shqiptarët, Armando Sadiku, ka hedhur poshtë se ka ndonjë lidhje mes tij dhe vajzës së ndihmës trajnerit të kombëtares, Paolo Tramezani.
Një foto e sodikut me vajzën e ndihmësit ka qarkulluar në internet duke aluduar për ndikim në angazhimin tij në ndeshje.
Por futbollisti i ka hedhur poshtë nëpërmjet një postimi në rrjetet sociale.
“Të dashur miq, do të doja që bukuria e fitores me Rumaninë, të mos zbehet dhe të keqinterpretohet nga një foto krejtësisht e pafajshme dhe miqësore, që ka qarkulluar nëpër media ditëve të fundit. Ju lutem mos aludoni për asgjë dhe mos shkruani gjëra të pavërteta për jetën time personale jashtë fushës së futbollit.
Dua të theksoj se arritjet e mia kanë vetëm një emërues të përbashkët : punë dhe sakrifica pa fund dhe besimin tek Zoti, nga ana ime dhe familjes time të shtrenjtë, që gjithmonë ka qenë mbështetja dhe frymëzimi im.
Faleminderit Armando Sadiku”
