Persona ende të paidentifikuar kanë sulmuar me armë zjarri një banesë duke lënë të plagosur një fëmijë 12 vjecar. Ngjarja ka ndodhur në lagjen 1 në Durrës, kur njerëz të armatosur qëlluan ndaj banesës së S.D, njofton policia.
Njoftimi i policisë:
Më datë 12.05.2016, në lagjen Nr. 1, Durrës, persona të paidentifikuar, kanë qëlluar me armë zjarri në drejtim të banesës së shtetasit, D.Sh.
Për pasojë, ka mbetur i plagosur nga një plumb rikoshet fëmija 12 vjeç, i cili ndodhet në spital jashtë rrezikut për jetën.
Specialistët për Krimet dhe grupi hetimor po kryejnë veprimet për identifikimin dhe kapjen e autorëve si edhe zbardhjen e plotë të ngjarjes.
