Përfundimi i autopsisë zbardh të tjera detaje nga mënyra se si u masakrua shqiptari i gjetur dje në një stan pa kokë. Sipas mediave të vendit ai është vrarë me plumba e pastaj i është prerë koka. “Sipas autopsisë, apo ekzaminimit mjekoligjor të kufomës nga Theodore Vouyiouklaki, shqiptari fillimisht ishte qëlluar me armë, gjë që i solli vdekjen” raportojne mediat greke. Sipas tyre kjo u konfirmua nga fakti që në mushkëri iu gjet një plumb. Më pas, viktimës i kishin prerë kokën në mënyrë makabre. Trupi i pajetë i shqiptarit u gjet pranë një ferme ku ai punonte prej dy muajsh. Ndërkohë koka e tij ende nuk është gjetur.
HORROR/ Autopsia zbardh masakrimin e shqiptarit: E qëlluan me plumb pastaj i prenë kokën
