Masa të rrepta sigurie në Shkodër me rastin e kremtimit të ditës së Europës në këtë qytet ku mori pjesë edhe Kryeministri Rama.
Një pjesë e mirë e qeverisë së majtë ndoqi ceremonitë që u zhvilluan në qytetin verior mes të cilave përurimin e fototekës Marubi.
Më pas në një takim zhvilluar në qendër të qytetit Kryeministri rama dhe Ambasadorja Vlahutin mbajtën një fjalim përpara zyrtarëve të zgjedhur.
Ndërsa luhej himni i Europës, qytetarë të Shkodrës ishin shtyrë qindra metra larg vendit ku po mbahej ceremonia.
Një numër i madh policësh kishin rrethuar vendin ku mbante fjalën kryeministri ndërkohë që ishte bllokuar lëvizja në rrugët kryesore dhe rrugicat afër ceremonisë.
