Një tjetër aksident i cili ka përfshirë dy makina dhe ka lënë të plagosur 3 persona, ka ndodhur në autostradën Durrës-Tiranë, në afërsi të Karburant “Kastrati”. L.K. 43 vjeç, banues në Tiranë, duke drejtuar mjetin tip Benz kamion me targa AA 964 JB ëshë përpalsur me mjetin tip Benz autoveturë me targa TR 4747 M me drejtues shtetasin E.B. 24 vjeç.
Për pasojë, janë aksidentuar të dy drejtuesit e mjeteve si dhe pasagjeri i mjetit kamion, një person me inicialet K. M. 27 vjeç, banues nëTiranë. Fatmirësisht të tre të plagosurit, ndodhen në Spitalin Rajonal Durrës jashtë rrezikut për jetën. Policia ndodhet në vendngjarje, të cilët po punojnë për zbardhjen e shkaqeve të aksidentit.
