Aleanca Kuqezi çeli sot fushatën për “shtet me duar të pastra”, ndërsa 200 juristë iu bashkuan aleancës. Gjatë fjalës së tij, kreu i AK-së, Kreshnik Spahiu i kërkoi ndjesë SHBA-së për ato që i cilësoi si fyerje të kryeministrit Rama ndaj kandidatit për president, Donald Trump.
“Rama habiti CNN kur tha se Donald Trump është fatkeqësi nëse zgjidhet, po fatkeqësi je ti more. Donald Trump të investoje në Shqipëri gjatë qeverisjes kuqezi. Ky guxoi doli kundër Trumpit, simbolit të biznesit”, deklaroi Spahiu.
Kreu i AK-së u bëri thirrje shqiptarëve të zgjohen, pasi sipas tij, Shqipëria është në rrezik.
“Të ndërtojmë një Shqipëri me duar të pastra, një Shqipëri që do ndryshojë”, deklaroi Spahiu.
“1 milion shqiptarë ju votuan dhe nënshkruan kontratën me ju që t’i hapni 300 mijë vende pune, mund të ane e thoni se ku janë, tek vilat dhe sarajet tuaja. Ku janë na i thoni? ku janë investimet e huaja. Sot nuk numërojmë dot një biznes amerikan të ketë hyrë në Shqipëri. ku janë bizneset evropiane, askush nuk afrohet në Shqipëri. Eshtë rritur 60% papunësia. Kjo qeveri çdo ditë zhgënjen shqiptarët. Ku janë premtimet e tyre? Kjo është Shqipëria që i largon shqiptarët. Ne duhet t’i largojmë këta që i kanë larë duart me gjak. Vendi ka nevojë për një shtet me duar të pastra”, u shpreh Spahiu.
Sipas kryetarit të Aleancës Kuqezi, “sirianët largohen nga terrori ndërsa shqiptarët nga horrori. Në Shqipëri ka gangsterizëm. Pse largohen shqiptarët? Largohen se ndjejnë një qeveri horror. Po si mund të pranojmë në vitin 2016 një shtet i cili na ka errësuar të ardhmen. Dy janë zgjidhjet për shqiptarët, o të ikin të gjithë me lotari me azil. Ne duhet të punojmë për një strategji ndryshe, që të bindim ndërkombëtarët që nuk jemi si partitë e tjera që tallen me ambasadorët nga mëngjesi deri në darkë”, deklaroi Spahiu.
Spahiu: Shqiptarë zgjohuni, vendi është në rrezik
