Reformën në drejtësi duhet ta kalojmë para pushimeve të verës, deklaroi sot Edi Rama gjatë fjalimit të tij në Asamblenë Kombëtare të PS. Ai tha se reforma ka krijuar një tension artificial politik dhe në parlament, por pavarësisht kësaj reforma do të kalojë dhe kushdo që identifikohet si pengues i saj merr përsipër një kosto me faturë të papërballueshme edhe nga shqiptarët dhe faktori ndërkombëtar.
Rama tha se partia jonë nuk vuri asnjë fjalë në reformë dhe ia la atë specialistëve por ndërkaq lavdëroi deputetin socialist dhe anëtar i kryesisë së PS, Fatmir Xhafa për punën që ka bërë.
