Ministri i Bujqësisë Edmond Panariti i është përgjigjur akuzave të kreut të komisionit të Ekonomisë Erjon Braçe, në lidhje me sistemin e bujqësisë. Panariti tha në emisionin “Ekopolitikë” të gazetares Aurora Sulçe se nuk e kupton ku e ka hallin Braçe, ndërkohë që nga kryeministri Rama nuk ka asnjë vërejtje.
Midis të tjerave Panariti ka shprehur gatishmërinë për ti lënë postin e ministrit të Bujqësisë Erion Braçes, i cili sipas tiji, është kapur pas një infeksion bakterial që ka prekur vetëm 3 -4 për qit ë fermerëve të Lushnjës.
“Unë kam qenë shumë i hapur për të sqaruar zotin Braçe dhe kam preferuar që…, është në zgjedhjet e tij që ti bëjë publike, vërejtjet, të kontaktojë kryeministrin. Por do bënte mirë të kalonte nga ministri i Bujqësisë dhe pastaj ti bënte publike.
Unë i kam kërkuar disa herë edhe ta kontaktoj me telefon nuk kam mundur. E kam ftuar për të diskutuar nuk e ka parë të arsyeshme dhe skam ç’të komentoj më rreth kësaj.
Unë nuk e kuptoj ku e ka hallin deputeti Braçe, sinqerisht dua të di ku është shqetësimi i tij? Pse ndodhi një infeksion dhe u bë kiameti i madhe?!. Infeksione ndodhin, bujqësia është sektor me risk. Gjithsecili duhet ta dijë se në rast se nuk zbaton një protokoll dhe nuk pyet, mund të shikosh prodhimin që shkatërrohet nga një infektim bakterial.
Unë nuk e kuptoj këtë histori. Dëshiron Braçe të bëhet ministër i Bujqësisë, bujrëm, pa asnjë lloj problemi, kjo është kompetencë e kryeministrit, unë e lë vendin”, u shpreh midis të tjerave Panariti.
Ministri i LSI ironizon deputetin e PS: Erion Braçe i kapur pas një infeksion bakterial për tu bërë minister
