Mungesa e shpjegimit për shkatërrimin e kutisë së zezë të helikopterit të rënë disa ditë më parë në liqenin e Shkodrës, nxiti ministrinë e Mbrojtjes së Shtabin e Përgjithshëm të Forcave të Armatosura të japin “garanci” se në dispozicion të zbardhjes, janë “kamerat regjistruese”. Por një ditë pas kësaj garancie, ekspertët francezë e gjermane të kompanisë së helikopterit të rrëzuar në liqenin e Shkodrës, por edhe ata shqiptar, nuk arrijnë të rikuperojnë pamjet filmike të regjistruara nga kamera e sigurisë që ndodhej në bordin e helikopterit.
Në këto rrethana, nga ana e ekspertëve është parë e nevojshme dhe po diskutohet që këto karta dhe har-disku i kamerës të dërgohet për ekzaminim në Gjermani. Sipas ekspertëve kamera, edhe në momentin e përplasjes, është programuar që të fotografoi gjendjen e fundit të panelit instrumental, për të treguar se si ka qenë gjendja e helikopterit në momentin e përplasjes. Kjo kamer, thonë burimet filmon gjatë gjithë kohës që helikopteri është i ndezur deri në momentin e fikjes dhe është i vendosur brenda disa kutive plastike rezistente ndaj ujit ku pamjet e filmuara dhe zëri nuk dëmtohen apo shkatërrohen edhe nga thyerja.
Burimet thonë se ende nuk dihet cili ka qenë shkaku i rrëzimit të helikopterit, por ekspertët e Forcave të Armatosura mendojnë se janë tre opsione. Ajo e gabimit njerëzor gjatë pilotimit, një gabimi teknik ose të dy këto së bashku që çakordojnë sistemin elektronik të helikopterit.
