Enigmat për shkaqet e rrëzimit të helikopterit janë bërë edhe më thella ndërkohë që Ministria e Mbrojtjes nuk bën transparencë.
Lajmet e fundit thonë se Baramuca, ushtari i shpëtuar nuk ka dëshmuar asgjë të dobishme për hetimin. Baramuca ka deklaruar se nuk mban mend asgjë ndërsa mbahet në kushtet e izolimit të plotë në spitalin ushtarak.
Hetuesit e prokurorisë në Shkodër deklaruan se kutia e zezë ishte dëmtuar. Banorët kanë dëgjuar shpërthime natën në vendin ku ndodhej helikopteri nën ujërat e liqenit të Shkodrës, ndërsa një reporter lokal gjeti pjesë të helikopterit në tokë disa qindra metra larg vendit ku ka rënë.
