Aksidenti i sotshem
Një aksident rrugor ka ndodhur pasditen e sotme, rreth orës 15:20 në Tepelenë. Sipas të dhënave të para, aksidenti ka ndodhur në vendin e quajtur “Uji i Ftohtë&”, ndërsa mësohet se dy automjete janë përplasur me njëra-tjetrën, e për pasojë ka gjetur vdekjen shtetasi H. T., 21 vjeç i cili ishte pasagjer në autoveturë dhe ndodhet në gjendje të rëndë drejtuesi, shtetasi F. T., 37 vjeç.
Sipas raportimeve të gazetares Brikena Metaj, një automjet tip “Toyota” me targa greke YIT 6317 është përplasur me një maune me targa KO 9450 B. Personi i plagosur është transportuar me urgjencë për në Spitalin e Gjirokastrës. Ndërkaq është shoqëruar drejtuesi i kamionit Agim Hoxhallari.
