Tiranë, arrestohet 32-vjeçari, përndiqte ish-të fejuarën edhe pas ndarjes

Një person është arrestuar nga efektivët e Policisë së Komisariatit Nr. 2 në Tiranë pas denoncimit që ka bërë ish-e fejuara e tij.
Vajza i është drejtuar organeve policore pasi nuk ka duruar përndjekjen e vazhdueshme që i bënte ish-bashkëjetuesi.
Mësohet se çifti kishte kohë që ishte ndarë dhe nuk jetonin më bashkë, por burri, nuk e kishte lënë të qetë ish të fejuarën.
Sipas policisë, 32-vjeçari me inicialet H. D., banues në Tiranë u arrestua në flagrancë., sepse  dyshohet se i riu në mënyrë të vazhdueshme, ka përndjekur ish bashkëjetuesen, shtetasen I. C., vjeç 30, banues në Tiranë.
Ai akuzohet për “Përndjekja”, sipas Nenit 121/a të Kodit Penal.