Prokuroria e Përgjithshme kërkon 1 vit burg për ish-Ministrin e Arsimit, Myqerem Tafaj me akuzen për shpërdorim të detyrës. Myqerem Tafaj ka akredituar Universitetit “Vitrina” në kundërshtim me ligjin.
Sipas pretencës së prokurorisë dëmi që i është shkaktuar shtetit shqiptar është 1 milion euro për një vit akademikë, pasi janë diplomuar 1869 studentë.
Çdo student ka paguar 500 euro në një vit akademik. Organi i akuzës thotë se Tafaj ka akredituar në mënyrë të paligjshme 8 degë në Universitetin Vitrina, ndërsa Këshilli i vlerësimit, ka qenë negativ për akreditimet. Vetë Tafaj nuk ishte i pranishëm në gjykatë, por përfaqësohej nga avokatja Brikena Kasmi.
