Policia e Elbasanit publikon planin e masave për zhvillimin normal të ndeshjes ndërkombëtare të futbollit ndërmjet ekipeve të shpresave Shqipëri-Greqi, që do të zhvillohet sot në orën 18:00, në Stadiumin “Elbasan Arena”. Duke filluar nga ora 15:00, nuk do të lejohet parkimi i automjeteve përreth dhe përballë stadiumit, deri në përfundim të ndeshjes.
Ndërkohë nga bulevardi “Kamber Sejdini”, duke filluar nga Kryqëzimi i romëve deri tek Kryqëzimi i tapetave në orën 16:00, nuk do të lejohet lëvizja dhe parkimi i mjeteve.
Sakaq hyrja e sportëdashësve do të fillojë në orën 16:00, me qëllim për të shmangur rradhët e gjata në hyrje për në Stadium.
Lidhur me ndeshjen do të angazhohen 200 punonjës policie, nga Drejtoria Vendore e Policisë Elbasan. Policia thotë se nuk do te lejohet marrja e femijëve të mitur pa u pajisur me biletë.
Të gjithë sportëdashesit që do të marrin pjesë në këtë aktivitet duhet të jenë të pajisur me biletë dhe me kartë identiteti dhe të mos kenë me vete:
a) sende të forta,
b) shishe (të çfarëdolloji)
c) fishekzjarre
d) monedha apo metale (të çfarëdolloji)
e) çelësa të ndryshëm
Në të kundërt nuk do të lejohen të futen në stadium.
Në hyrje të stadiumit do të kontrrollohen të gjithë sportëdashësit.Të gjitha lokalet që ndodhen përreth stadiumit, nga ora 16:00 dhe deri në përfundim të ndeshjes, të marrin masa të jenë të mbyllura.
Drejtoria Policisë Elbasan i kërkon qytetarëve që të minimizojnë më datë 24 Mars lëvizjen e tyre me automjet brënda qytetit të Elbasanit, ç’ka do të sillte një ndihmesë të madhe në zhvillimin sa më normal të këtij aktiviteti.
