Kryeministri Edi Rama ka anuluar sonte në mënyrë të papritur një intervistë të paralajmëruar prej disa ditësh për gazetaren Ilva Tare në Ora News.
Sic bëri të ditur gazetarja arsyeja e anulimit të intervistës është axhenda e ngjeshur e Kryeministrit, një përgjigje kjo e dhënë nga kabineti i tij.
“Sonte do te diskutojme ne nje panel me ministren Harito per ligjin qe moderon komentet online. Dergoni komentet tuaja pro apo kunder ligjit… Intervista me Kryeministrin Rama do te shtyhet te merkuren, date 30 mars per shkak te axhendes se tij” , ka shkruar Tare.
Në fakt Kryeministri ka që të dielën në mesditë që nuk është shfaqur në televizione. Një portal onlien shkruante se anulimi i intervistës ka qënë i papritur edhe për stafin ndërsa një tjetër ka hedhur dyshime lidhur me shëndetin e tij.
