Ndërsa Tirana duhet të presë ende për të shijuar fitoren në derbin ndaj Partizanit. Bardheblutë e Ilir Dajës u mundën sërish 2-0 nga Partizani në “Qemal Stafa”.
Për takimin e luajtur një ditë më parë ka reaguar edhe kryetari i grupit parlamentar të LSI-së, Petrit Vasili, si tifoz i kësaj skuadre ai u shpreh i zhgënjyer, duke i bërë thirrje Bashkisë së Tiranës që të reflektojë, në mënyrë që kryeqyteti të ketë skuadrën dinjitoze që meriton.
“Ashtu si bashkëtifozët e mi, ndihem i zhgënjyer. Futbolli i Tiranës është lënë pas dore nga Bashkia. Kryeqyteti meriton një skuadër dinjitoze. Duhet reflektim urgjent nga Bashkia e Tiranës. Të respektohet tradita dhjetëra vjeçare.”- deklaroi Vasili.
Ndërkohe ka reaguar edhe kreu i PDIU-së, Shpëtim Idrizi i cili konsideron se ekipi i Tiranës nuk ka marrë mbështetjen e duhur nga Bashkia. Sipas tij, është e papranueshme, që Bashkia e Tiranës nuk ka dhënë asnjë fond për ekipin.
“Tirona, krenaria e kryeqytetit, meriton vëmendje. Bashkohem me Vasilin, ta ngremë lart këtë çështje.”- deklaroi Idrizi.
