Numrin i shqiptarëve që kërkuan azil në BE për vitin 2015 është 65.935. Eurostat ka publikuar të dhënat për vitine e shkuar sipas të cilit 5% e e emigrantëve vijnë nga vedi ynë. Në dokument paraqitet gjithashtu edhe destinacioni i më i kërkuar nga shqiptarët që është Gjermania, vend në të cilin ka patur 53.805 kërkesa për azil. Ndërkohë, raportohet se në vitin 2015, ka patur një rekord sa i përket numrit total të kërkesave për azil, teksa shifrat në total i kanë kaluar 1.2 milionë persona.
Vendi ynë është renditur në vendin e pestë sa i përket vendeve nga prej kanë ardhur edhe shumica e kërkesave për azil, duke u vendosur pas Sirisë, Afganistanit, Irakut dhe Kosovës. Edhe numri i shtetasve kosovarë që kanë kërkuar strehim në vendet e Europës perëndimore ka qënë tepër i lartë, me 68.885 aplikime, duke shënuar kështu pesë përqind të totalit të kërkesave.
Eurostat njofton se në vitin që lamë, mbi 1.2 milionë emigrantë kanë udhëtuar drejt vendeve të BE-së me shpresën e qëndrimit të përhershëm. Kjo shifër është dy herë më lartë se ajo e regjistruar në vitin 2014. Largimet më masive kanë qënë nga Siria ndikuar edhe nga lufta civile që vijon prej pesë vitesh. Qytetarët sirianë kryesojnë listën me 362.775 kërkesa për azil. Nuk mbeten prapa as dy vendet e tjera të lindjes së mesme, që janë Afganistani dhe Iraku, me respektivisht 178.230 si dhe 141.535 kërkesa. Vendi që ka pritur më shumë refugjatë ka qënë Gjermania, e cila në vitin që lamë pas ka strehuar 441.800 azil-kërkues.
