Në paketën nënligjore të ligjit për dekriminalizimin është miratuar dje edhe një formular i dytë i cili do të përdoret nga partitë politike për të verifikuar kandidaturat e tyre politike qoftë për në Parlament e qoftë për në strukturat e saj.
Cdo parti politike e regjistruar sipas legjislacionit në fuqi ka të drejtë që t’i paraqesë Prokurorit të Përgjithshëm kërkesë për verifikim paraprak për kandidatura të mundshëm të saj në zgjedhje apo organe kushtetuese apo të krijuara me ligj, me qëllim vlerësimin e ekzistencës së rrethanave që përbëjnë kusht ndalues sipas ligjit “Për garantimin e integritet të personave që zgjidhen, emërohen ose ushtrojnë funksione publike”.
