Deputetja demokrate Jorida Tabaku denoncoi projektin e bashkisë si të pakonsultuar.
Në një dalje për mediat, Tabaku tha se projekti nuk ka kaluar në asnjë fazë ligjore, duke prekur një zonë të mbrojtur me vendim të Këshillit Kombëtar të Territorit.
“Të vendosur të mos lejojmë këtë paligjshmëri. I pakonsultuar, për më tepër me një faturë 500 mijë eurosh, duhet patjetër që të kalojë në një analizë më të hollë, që të informohet publiku. I gjithë ky kënd lojrash shoqërohet me 3-4 objekte në shërbim të tyre. Ligji është i egër për ata pa leje, po jo për kryetarin e bashkisë që e shkel i pari atë. Parku i Liqenit nuk është oborri klientelist e privat i askujt, është pasuri e qytetarëve”, tha Tabaku.
