Gjykata e Apelit ka lënë në fuqi masën e arrestit me burg për ish-ministrin Spiro Ksera, i akuzuar për vjedhje duke shpërdoruar detyrën.
Ksera është paraqitur këtë të enjte në Gjykatën e Apelit për masën e sigurisë. Avokati i tij mbrojtës Genc Gjokutaj e ka quajtur vendimin e shkallës së parë për ‘arrest me burg’ në shkelje të ligjit.
“Ksera nuk është pyetur asnjëherë dhe pse u hetua për një vitë” ka thënë avokati mbrojtës i Kserës Gjokutaj. Sipas avokatit Gjokutaj “ Gjykata e Shkallës së Parë kopjoi urdhër ndalimin e prokurorit me usb dhe e ktheu në vendim”.
Ish ministri Spiro Ksera kërkoi lirimin e tij nga arresti, “jam person me vlera në politikë dhe shoqëri. Arrestimi është një diskriminim. Kërkoj të lirëhem”, tha Ksera.
